Офіс SBP рэгулярна прымае сустрэчы і майстар-класы, сяброўскія тэматычныя вечарыны ў цёплай кампаніі беларусаў. Тут беларусы дапамагаюць і падтрымліваюць адно аднаго. Тут нараджаюцца ідэі культурных мерапрыемстваў і праектаў, накіраваных не толькі на камфортную інтэграцыю ў польскае асяроддзе, але і на захаванне беларускай нацыянальнай ідэнтычнасці.
Заняткі польскай мовы з дасведчаным выкладчыкам: знаёмства з лексікай, граматыкай, фанетыкай і правіламі маўленчай камунікацыі ў Польшчы. Удзельнікі курса, незалежна ад тэрміна пражывання ў Польшчы, змогуць асвоіць польскую мову на пачатковым узроўні.
Майстар-класы і псіхалагічныя сустрэчы для ўсёй сям'і з практыкуючым псіхолагам. У сяброўскай і давернай атмасферы ўдзельнікі сустрэч могуць паглядзець на сябе вачыма іншых людзей, атрымаць адваротную сувязь, знайсці спосабы камунікацыі з блізкімі ў самых складаных сітуацыях.
Канцэрты, выставы, майстар-класы і іншыя культурныя мерапрыемствы, прысвечаныя нацыянальным святам, падзеям Беларусі і Польшчы. Лямпавыя сямейныя сустрэчы і вясёлыя маладзёжныя вечарыны беларусаў Памор'я.
Дзякуючы ўдзелу ў праекце "Беларусы для Сопата" стала магчымым правядзенне розных кулінарных майстар-класаў для дарослых і дзяцей. Праект фінансуецца ў рамках Funduszu Nowy AKUMULATOR SPOŁECZNY, са сродкаў Rządowego Programu Fundusz Inicjatyw Obywatelskich NOWEFIO а таксама са сродкаў Gminy Miasta Sopotu.
